Famous Urdu Sayings Quotes Images Photos Wallpapers

Jul 23, 2020

Sheikh gently took out the wet paddle and put it inside the boat. The wind blew itself forward on the golden water. Girl, what is the deadliest disease of your time? Dengue!" He said immediately, then confused. "Sorry. Cancer." Cancer. So if a cancer patient forgets his illness, will he recover? Take it. Who can be healed by forgetting the disease?
شیخ نے آہستگی سے گیلے چپو نکال کر کشتی کے اندر رکھے۔ ہوا ہولے سے خود ہی سنہرے پانی پہ کشتی کو آگے بڑھانے لگی۔
’’تمہارے زمانے میں لڑکی ‘ سب سے مہلک بیماری کون سی ہے؟‘‘
’’ڈینگی !‘‘فوراََ بولی، پھر گڑبڑائی۔’’سوری۔کینسر۔ سرطان۔‘‘
’’تو اگر سرطان کا مریض اپنی بیماری بھول جائے تو کیا تندرست ہو جائے گا؟‘‘
’’لیں۔ بیماری بھولنے سے کون شفا یاب ہو سکتا ہے؟‘‘
’’تو میری بیٹی ‘ مریض کیسے ٹھیک ہو گا؟جسم سے اس سرطان (کینسر) کے نکلنے سے؟ یا یادداشت سے سرطان کا خیال نکلنے سے؟ اور جب وہ ٹھیک ہو جائے گا ‘ تو کیا وہ سرطان کو بھول جائے گا؟‘‘
وہ ایک عجیب انکشاف کا لمحہ تھا۔ حنہ نے دم بخود ان کو دیکھتے نفی میں سر ہلایا۔
’’نہیں۔ اسے ساری عمر سرطان یاد رہے گا۔‘‘
’’لیکن اگر وہ تندرست ہو چکا ہے تو وہ یاد اسے تکلیف نہیں دے گی۔‘‘
’’تو کیا...تو کیا مجھے اپنے محبوب کو بھولنے کی ضرورت نہیں؟‘‘ وہ بے یقین تھی۔ بھولے بغیر مووآن کرنا...یہ کیسا علاج تھا؟
’’وہ تمہیں کبھی نہیں بھول سکتا۔تم بھولنے کی کوشش ترک کر دو۔ علاج تم نے اپنے دل کا کرنا ہے ‘ یادداشت کا نہیں۔ اسے دل سے نکالنا ہے ‘ دماغ سے نہیں۔ اس مقام تک آنا ہے جہاں اس کی یاد پہ تم بے حس ہو جاؤ۔ تمہیں فرق پڑنا ختم ہو جائے۔نہ نفرت ہو نہ محبت!‘‘
’’مگر یہ کیسے ہو گا؟‘‘
’’اس کے لئے پہلے تمہیں ’’محبت ‘‘ کو سمجھنا پڑے گا۔‘‘ انہوں نے چپو اٹھا لئے اور پھر سے پانی میں چلانے لگے۔ کشتی کی رفتار تیز ہوئی۔ سنہری کرنوں سے چمکتا پانی اب تنگ ہوتا جا رہا تھا۔ گویا دریا کے دو دہانے قریب آ رہے تھے۔ دونوں اطراف میں اگا سبزہ بھی گھنا اور گنجان تھا۔
’’اور اس کو سمجھنے کے لیے پہلے عشق اور محبت میں فرق کرنا سیکھو لڑکی!‘‘ دریا مزید تنگ ہو کر کسی نہر میں بدلتا جا رہا تھا۔ وہ جیسے شام سے دور ‘ امیزون کے جنگلات کے درمیان بہتی کوئی نہر تھی۔





















Post a Comment

© Urdu Thoughts.